Með fullan bíl af dópi
Lögreglan stöðvaði bifreið á Reykjanesbraut ofan við Innri Njarðvík sl. mánudag en í bifreiðinni voru sex góðkunningjar lögreglunnar. Við leit í bifreiðinni og á fólkinu fannst töluvert magn af hassi og amfetamíni. Fólkið var handtekið og flutt á lögreglustöðina í Keflavík til yfirheyrslu. Í framhaldinu var gerð húsleit í íbúð í Reykjanesbæ en þar fannst lítilræði af fíkniefnum og þýfi. Rannsókn málsins heldur áfram.
