Málverk til HSS úr Listskreytingasjóði ríkisins

Tvö málverk eftir listamanninn Guðrúnu Kristjánsdóttur voru hengd upp á Heilbrigðisstofnun Suðurnesja í dag, en stofnunin fékk styrk úr Listskreytingasjóði ríkisins til kaupa á listaverkum.
Listaverkin voru hengd upp á biðstofu stofnunarinnar og á 1. hæð D-álmunnar. Guðrún Kristjánsdóttir listamaður útskýrði myndirnar fyrir starfsfólki stofnunarinnar, en listráðunauturinn Hrafnhildur Schram aðstoðaði við kaupin. Sigríður Snæbjörnsdóttir framkvæmdastjóri HSS sagði við þetta tilefni að hún væri mjög ánægð með listaverkin og að þau myndu sóma sér vel á veggjum stofnunarinnar um ókomna framtíð.

Myndin: Guðrún Kristjánsdóttir útskýrir annað verka sinn sem kallast Dagrenning. VF-ljósmynd/Jóhannes Kr. Kristjánsson.