Makríll veiðist í Helguvík og á Garðsbryggju
Makríll einn verðmætasti uppsjávarfiskurinn veiðist við bryggjuna í Garðinum og í Helguvík þessa dagana. Það er nýtt að veiðiáhugamenn séu að veiða makríl hér við bryggjur svæðisins. Davíð Bjarnason, var að veiða í Helguvík og fékk nokkra feita og vel haldna makríla.
Á vef Matís, matvælarannsóknastofu, segir að makríll hafi hingað til ekki talist til nytjastofna á Íslandsmiðum, enda heimkynni hans út af Austurstönd N-Ameríku, í Norðursjó, Miðjarðarhafi og Svartahafi.
Íslensk síldveiðiskip hafa orðið vör við makríl í auknum mæli og veitt makríl í bland við norsk-íslensku síldina austur af landinu síðsumars. Makríll er mjög verðmikill fiskur og verðið er oft yfir 100 kr/kg. fyrir ferskan haustveiddan fisk í vinnslu og fyrir frosinn slægðan fisk veiddan yfir sumartímann.
Nú er í gagni verkefni hjá matís sem hefur það markmið að kanna veiðar uppsjávarfiskiskipa á makríl á Íslandsmiðum, gera mælingar á lögun, koma með lausnir hvernig flokka megi makrílinn frá öðrum fiski um borð og hvernig vinnslu skuli háttað í frystiskipum og fleira. Matís stefnir að því að afrakstur verkefnisins verði sjófrystar íslenskar makrílafurðir en þær hafa ekki verið framleiddar hingað til.
www.matis.is
Mynd af makríl.skip.is
