Mældist á 142 kílómetra hraða
– einn í símanum og annar með bilaðan hraðamæli
Átján ökumenn voru kærðir fyrir of hraðan akstur í umdæmi lögreglunnar á Suðurnesjum á undanförnum dögum. Sá sem hraðast ók mældist á 142 kílómetra hraða á Reykjanesbraut, þar sem hámarkshraði er 90 kílómetrar á klukkustund.
Annar ökumaður sem mældist á 122 kílómetra hraða, einnig á Reykjanesbraut, var auk hraðakstursins að tala í síma án þess að nota handfrjálsan búnað. Í bíl hins þriðja reyndist hraðamælirinn vera bilaður.
Þrír ökumannanna átján voru erlendir ferðamenn.
