Lokað er inn á eldstöðvarnar á meðan loftgæði eru til skoðunar hjá sérfræðingum

Lögreglustjórinn á Suðurnesjum hefur sent frá sér eftirfarandi tilkynningu vegna aðgengis almennings að gosstöðvunum við Litla-Hrút:

„Eldgos hófst við fjallið Litla Hrút á Reykjanesskaga klukkan 16:40 í gær.

Lokað er inn á svæðið á meðan loftgæði við eldstöðvarnar eru til skoðunar hjá sérfræðingum. Frekari upplýsinga er að vænta í hádeginu.

Eftirlit viðbragðsaðila gekk vel í gær og í nótt og var nóttin áfallalaus.  Áður en kom til lokana inn á svæðið var töluverður fjöldi manna við gosstöðvarnar.    Fólk virðist hafa fylgt fyrirmælum viðbragðsaðila um að yfirgefa svæðið.

Spá veðurvaktar um gasdreifingu

Með morgninum snýst vindur í norðvestlæga átt, 5-10 m/s og gasmengunin tekur því að berast til suðurs. Áfram verður líklega gasmengun á höfuðbogarsvæðinu, Vogum, Vatnsleysuströnd og Reykjanesbæ, en síðar einnig yfir Grindavík og Suðurstandarveg.“