Lögreglumenn styrkja fjölskyldur á Suðurnesjum

Fimm fjölskyldur á Suðurnesjum fengu í gær úthlutað samtals 400 þúsund krónur úr Styrktar- og hjálparsjóði Landssambands lögreglumanna. Sr. Skúli S. Ólafsson, sóknarprestur, veitti framlaginu viðtöku en Keflavíkurkirkja tók að sér að koma styrkjunum til fjölskyldnanna.
Styrktarsjóðurinn var stofnsettur 1992 en allir lögreglumenn landsins greiða í hann. Úthlutað hefur verið árlega úr sjóðnum upphæð á bilinu 700 þúsund til einnar milljónar króna, að sögn Geirs Jóns Þórissonar, sem afhenti styrkina fyrir hönd sjóðsins.

VFmynd/elg.