Lögreglan stöðvar ökufanta og yfirheyrir sjómann
Það breytir engu hvenær lögreglan á Suðurnesjum er á vakt, alltaf eru einhverjir ökumenn sem aka á ólöglegum hraða stöðvaðir af lögreglunni.
Á dagvaktinni í gær stöðvaði lögregla þrjá ökumenn bifreiða á Reykjanesbraut vegna hraðaksturs. Hraði þeirra mældist 120, 121 og 122 km/klst. sannarlega samtaka þessir þrír að aka 30 km/klst. yfir hámarkshraða. Þeir eiga allir von á fjársekt.
Um klukkan 10:00 í morgun hafði lögregla afskipti af ökumanni bifreiðar þar sem aksturslag hans þótti einkennilegt. Var hann grunaður um ölvun við akstur.
Lögreglan hafði einnig afskipti í gær af sjómanninum og lögbrjótnum, Ásmundi Jóhannssyni. Þeir tóku á móti honum við Sandgerðishöfn í gær og spjölluðu við hann, Ásmundur var að koma í land með 750 kg af vænum fisk sem hann veiddi án kvóta.
