Lögregla varar við alvarlegum afleiðingum

Lögreglan á Suðurnesjum vill koma ábendingu til foreldra barna hér á Suðurnesjum um að ræða við börn sín um alvarleika og hugsanlegar mjög alvarlegar afleiðingar þess þegar börn eru að gera sér það að leika að losa skrúfgang á framhjóli reiðhjóla barna.   

 

Þannig atvik hafa komið upp á Suðurnesjum og eins á höfuðborgarsvæðinu undanfarið. 

 

Allt bendir til þess að reiðhjólaslys sem varð á dögunum hér á Suðurnesjum, þegar framhjól fór undan reiðhjóli átta ára drengs með þeim afleiðningum hann slasaðist í andliti og braut framtönn, hafi verið losað. Að sögn lögreglunnar hefði það slys getað orðið mun alvarlegra.