Löggan fékk bæjarstarfsmenn til að salta

Rólegt hefur verið á vaktinni hjá lögreglunni í Keflavík í allan dag. Lögreglan fékk þó bæjarstarfsmenn til að salta launhála bletti á umferðargötu snemma í dag.Þó nokkur sólbráð hefur verið í allan dag en þegar vatnið hefur runnið inn í skugga af húsum og kyrrstæðum bílum, hefur myndast ísing sem hefur verið fljúgandi hál. Þannig skapaðist nokkur hætta á gatnamótum Vesturgötu og Hringbrautar við svoleiðis aðstæður snemma í dag og bílar skautuðu út á Hringbrautina. Þakka má fyrir að ekki hafi orðið slys af þessum völdum.