Loftorka bauð lægst í Grindavíkurveg

Loftorka var lægstbjóðandi í framkvæmdir á Grindavíkruvegi sem fyrirhugaðar eru næstu misseri en framkvæmdum á að ljúka 1. nóvember ef allt gengur samkvæmt áætlun.

Í lok maí auglýsti Vegagerðin útboð vegna framkvæmda á Grindavíkurvegi. Um er að ræða gerð framúrakstursreina á veginum, breiddaraukningu í vegamótum við Seltjörn, lengingu fléttureina í vegamótum við Norðurljósaveg ásamt gerð hliðartenginga og stíga.

Tilboð Loftorku var nánast á kostnaðaráætlun eða 571 milljón króna eða 100,8%.

Verkinu skal að fullu lokið eigi síðar en 1.nóvember 2019 að því er segir á grindavik.is