Ljósanæturblað Víkurfrétta komið út
– 48 síður og stútfullt af áhugaverðu efni
Veglegt Ljósanæturblað Víkurfrétta er komið í dreifingu um öll Suðurnes. Blað vikunnar er 48 síður. Þar kennir ýmissa grasa í viðtölum við fólk af Suðurnesjum. Við kíkjum á Sandgerðisdaga og í 80 ára afmæli Reynis í Sandgerði. Rætt er við brúðugerðarmann, kylfinga og ljósmyndara sem tekur magnaðar myndir. Þá er umfjöllun um Ljósanótt í Reykjanesbæ sem hefst formlega í dag, þó svo hátíðinni hafi verið þjófstartað í gærkvöldi.
