Lítil flugvél í vanda

Þyrla Landhelgisgæslunnar og flugvél Flugmálastjórnar voru kallaðar út í gærkvöld til að fljúga á móti lítilli einshreyfils flugvél sem var í vandræðum vestur af Keflavík. Frá þessu er greint á vef Ríkisútvarpsins í dag.

Fram kemur á vefsíðu Flugmálastjórnar að flugmaður vélarinnar óskaði eftir aðstoð vegna bilunar í eldsneytisdælu. Vélin var þá um 80 sjómílur vestur af Keflavík á leið sinni til Reykjavíkur frá Nassarsuak á Grænlandi.

Flugvél Flugmálastjórnar mætti vélinni skammt frá Keflavík og var henni lent heilu og höldnu á Keflavíkurflugvelli.