Listahátíð barna gekk vel

Á föstudaginn var haldin Listahátíð barna í Frumleikhúsinu í Reykjanesbæ.  Þar voru á ferðinni nemendur og kennarar úr Listaskóla barna sem rekinn hefur verið í sumar og voru þetta uppskerulok á fyrra námskeiðinu.  Listaskóli barna er samstarfsverkefni Reykjanesbæjar, Leikfélags Keflavíkur og Félags myndlistarmanna í Reykjanesbæ.  Kennarar við skólann eru tveir, Thelma Björk Jóhannesdóttir myndlistarkennari og Víðir Guðmundsson nemandi í leiklistardeild Listaháskóla Íslands.  Á listahátíðinni mátti sjá fjölbreytilega myndlist, dansa og leikþætti og skemmtu gestir sér hið besta.  Næsta námskeð í Listaskólanum hefst í dag, mánudaginn 5. júlí.