Létu greipar sópa í geymslum í Grindavík

Brotist var inn í allar geymslur fjölbýlishúss í Grindavík um helgina. Voru læsingar brotnar upp á þeim geymslum sem höfðu verið læstar. Hinir óboðnu gestir rótuðu til og höfðu á brott með sér lítlis háttar af áfengi. Einnig höfðu þjófarnir á brott með sér borvél og skrúfvél.

Við athugun lögreglunnar á Suðurnesjum kom í ljós að einnig hafði verið brotist inn í tvær geymslur í nágrenninu og þaðan stolið leikjatölvum, golfsetti og tölvuskjá. Málið er í rannsókn.