Léttir til í dag

Það verður austlæg átt við Faxaflóann í dag, 10-15 m/s og slydda með köflum. Norðlægari og léttir til seint í dag. Norðaustan 5-10 og léttskýjað á morgun. Hiti 0 til 5 stig að deginum.

Veðurhorfur á landinu næstu daga:

Á laugardag og sunnudag:
Fremur hæg norðlæg átt og víða bjartviðri, en stöku él norðaustan- og austanlands. Frost 1 til 8 stig, en um frostmark suðvestantil.

Á mánudag og þriðjudag:
Breytileg átt og smáskúrir eða él, einkum vestantil. Hlýnar lítið eitt í veðri.

Á miðvikudag:
Útlit fyrir norðaustanátt með éljum fyrir norðan og kólnandi veðri.