Leita vars undan veðri á Stakksfirði

Um tugur fiskiskipa er nú í vari á Stakksfirði, skammt undan landi. Rétt utan við höfnina í Keflavík má sjá togarana Kleifaberg og Vigra. Aðeins utar er svo togarinn Sólberg.

 

Einnig eru Tjaldur, Júlíus Geirmundsson, Björgvin, Baldvin Njálsson og Arnar sjáanlegir frá landi utan við Keflavík og Hólmsbergið.

 

Veðrið er ekki gott, suðvestan stormur og víða gert ráð fyrir meiri veðurhæð næsta sólarhringinn. Þannig hefur Veðurstofa Íslands gefið út viðvörun fyrir fjölmörg spásvæði á miðum við landið.