Leikskólabörn vilja hundaskítinn burt

Leikskólabörn Tjarnarsels láta sig umhverfið varða

Í tilefni af Degi umhverfisins og Græns apríl ætla elstu börnin í Tjarnarseli að fara 25. apríl í ýmsar stofnanir og verslanir í bæjarfélaginu og fá leyfi til að hengja þar upp myndir sem þau hafa útbúið, hundaeigendum til umhugsunar.
Börnin í leikskólanum eru dugleg að fara í vettvangsferðir með leikskólakennurum sínum um bæinn okkar og finnst þeim skrýtið hvað margir skilja hundaskít eftir hundana sína á gönguleiðum þeirra.

Í samráði við kennarana útbjuggu börnin myndir með ýmsum ráðum til hundaeigenda sem eru eftirfarandi:

Þú sem átt hund, muna að þrífa eftir hann
Þú þarft að taka með þér poka
Þrífa upp kúkinn
Burt með hundaskít
Þetta gerir bæinn okkar ljótan