Leiguverð Íbúðalánasjóðs í takt við almennt leiguverð segir framkvæmdastjóri
Sigurður Erlingsson framkvæmdastjóri Íbúðalánasjóðs hafði samband við Víkurréttir vegna fréttar um fund sem bæjarstjóri Garðs átti á dögunum með fulltrúum Íbúðalánasjóðs þar sem farið var yfir eignastöðu sjóðsins í Garðinum.
Sigurður sagði það sem komi fram í fréttinni í þröngum skilningi vera staðreyndarlega rétt en hins vegar ekki gefa rétta mynd af stöðu Íbúðalánasjóðs á leigumarkaði. Hann segir Íbúðalánasjóð aðeins hafa heimildir til að leigja út fasteignir til ábúanda þegar eign kemst í eigu sjóðsins, og megi aðeins leigja á almennum markaði ef skortur er á leigueignum. Þau leiguverð sem Íbúðalánasjóður býður eru alltaf í takt við almennt leiguverð á hverju svæði, þannig að sjóðurinn sé hvorki að undir- eða yfirbjóða leiguverð.
Hvað varðar Ásbrú, þá segir Sigurður að ljóst sé að þar sé verið að bjóða lægri leiguverð en þekkjast hjá öðrum leigusölum á Suðurnesjum.
