Leigusamningur Fisktækniskólans framlengdur um eitt ár
Starfsemin heldur áfram í Sandgerði
Bæjarráð Suðurnesjabæjar hefur samþykkt samhljóða að framlengja leigusamning við Fisktækniskóla Íslands um húsnæði í Sandgerði til eins árs. Erindið barst frá skólanum með ósk um áframhaldandi aðstöðu fyrir starfsemi sína í sveitarfélaginu.
Framlengingin tryggir áframhaldandi rekstur og nærveru skólans í Suðurnesjabæ á meðan unnið er að framtíðarsýn um starfsemi hans til lengri tíma.
