Landnámsdýragarðurinn stækki og gistihýsi við Víkingaheima

Útlendingur ehf. hefur óskað heimildar umhverfis- og skipulagsráðs Reykjanesbæjar til að vinna tillögu að breyttu deiliskipulagi fyrir lóðina Víkingabraut 1 við Víkingaheima í Innri Njarðvík. Að megin inntaki er erindið um nýja sýningu innan núverandi byggingar, uppbyggingu á landnámsdýragarðinum sem stækki og verði opinn allt árið ásamt því að á lóðina komi nokkur gistihýsi og þjónustuhús.

Ráðið hefur samþykkt heimild til að vinna tillögu að breytingu á deiliskipulagi í samráði við skipulagsfulltrúa bæjarins.