Landbrot og sjávarflóð ógna mannvirkjum í Suðurnesjabæ

Bæjarráð Suðurnesjabæjar ítrekar mikilvægi þess að tryggja sjóvarnir í Suðurnesjabæ líkt og lög um sjóvarnir kveða á um en í 1. gr. laganna segir m.a. að byggð svæði og svæði þar sem til staðar eru dýrmæt mannvirki eða menningarminjar skulu að jafnaði njóta forgangs við gerð sjóvarna.

Í núverandi samgönguáætlun er ekkert kveðið á um sjóvarnir í Suðurnesjabæ þrátt fyrir þá ógn og hættu sem byggð getur og hefur stafað af er snýr af landbroti og sjávarflóðum. Veðurfar síðustu ára hefur sýnt það að byggð í Suðurnesjabæ stafar hætta af ágangi sjávar og því brýn nauðsyn að sinna forvörnum og tryggja fyrirbyggjandi aðgerðir sem fyrst.