Land heldur áfram að rísa við Fagradalsfjall

Land er enn að rísa við Fagradalsfjall sem gefur vísbendingar um virkni í eldstöðinni. Jarðvísindsmenn fylgjast vel með atburðarásinni. Frá því jarðskjálftahrinunni og kvikuinnskotinu, sem stóð yfir frá 21. desember 2021 og til 7. janúar á þessu ári, lauk hefur land haldið áfram að rísa. Frá þessu er greint á mbl.is.

„Það er landris sem á ræt­ur á tals­verðu dýpi. Merk­ismiðjan á því er ein­hvers staðar á þessu svæði und­ir Fagra­dals­fjalli. Það er mjög erfitt að staðsetja það ná­kvæm­lega. Þetta vænt­an­lega þýðir að það er kviku­söfn­un á dýpi, ætli það sé ekki svona 12-16 kíló­metra dýpi,“ seg­ir Bene­dikt Gunn­ar Ófeigs­son, sér­fræðing­ur Veður­stof­unn­ar í jarðskorpu­hreyf­ing­um í samtali við mbl.is.

Nokkuð rólegt hefur verið á jarðskjálftamælum á Reykjanesskaga undanfarna daga. Þó varð skjálfti í morgun upp á M2,5 austur af Keili.