Laminn með kúbeini

Lögregla og sjúkralið var kallað að Casino í Keflavík á þriðja tímanum í nótt. Þar hafði starfsmaður rekist á blóðugan mann í anddyri hússins. Var hann ber að ofan með skurð á höfði og marinn víðsvegar um líkamann.

Hann var fluttur á Heilbrigðisstofnun Suðurnesja og síðan á Landspítalann til frekari skoðunar. Maðurinn sagði lögreglu að hann hafi verið staddur í húsi í Keflavík er hann var sóttur þangað af tveimur mönnum. Þeir hafi farið með hann á rúntinn og síðan inn á eitthvað verkstæði og lamið sig þar með kúbeini. Hann kvaðst síðan hafa hlaupið út af verkstæðinu. Hann þekkti mennina sem þarna voru að verki.