Kvikan opin um helgina: Sérfræðingar mæta á svæðið

Um helgina býðst Grindvíkingum að koma saman í Kvikunni menningarhúsi að Hafnargötu 12. Eldfjalla- og jarðskjálftafræðingar frá Veðurstofu Íslands auk fulltrúa frá Almannavörnum ríkislögreglustjóra og Grindavíkurbæ munu fara yfir stöðuna og svara spurningum gesta.

Í dag, laugardag, verður streymt frá YouTube síðu bæjarins en hægt verður að nálgast tengil á streymið bæði á Facebook síðu bæjarins og á vefsíðu Grindavíkurbæjar, kl. 14:30. Hægt verður að senda spurningar í gegnum streymið.

Hægt verður að nálgast upptökur af streyminu á YouTube vef bæjarins.

Á sunnudaginn verður pólskur túlkur á staðnum svo hægt er að spyrja og svara spurningum á pólsku.

ATH. af sóttvarnarástæðum er 50 manna hámark í hvorum sal og grímuskylda.

Boðið verður upp á kaffiveitingar.