Kveikt í Rockville í nótt

Íþróttahúsið í Rockville á Miðnesheiði brann til kaldra kola í nótt eftir íkveikju. Vegfarandi tilkynnti um eldinn klukkan rúmlega hálf þrjú og fór slökkvilið á staðinn.

Verið er að rífa allar byggingar í Rockville og var því tekin ákvörðun um að slökkva ekki eldinn en slökkviliðsmenn voru til taks á brunastað á meðan eldurinn logaði.

Myndin: Frá bruna í Rockville á síðasta ári.