Klippt af átta bifreiðum

Fjórir ökumenn voru kærðir fyrir of hraðan akstur í  umdæmi Suðunesjalögreglunnar í gær og mældist sá er hraðast ók á 153 km/klst á Reykjanesbrautinni. Þar er leyfður hámarkshraði 90 km/klst.  Einn ökumaður var kærður fyrir að aka yfir gatnamót gegn rauðu ljósi. 
Eigendur átta bifreiða komu að bílum sínum númerslausum í morgun þar sem tryggingariðgjöld höfðu ekki verið greidd af þeim.