Klemmdist í færibandi

Óhapp varð hjá fiskvinnslufyrirtækinu Vísi í Grindavík á laugardag, að starfsmaður lenti með hægri höndina í..

Óhapp varð hjá fiskvinnslufyrirtækinu Vísi í Grindavík á laugardag, að starfsmaður lenti með hægri höndina í færibandi. Fiskur hafði safnast upp við enda færibandsins og ætlaði starfsmaðurinn að ýta honum frá með þeim afleiðingum að hönd viðkomandi klemmdist milli pappaspjalds og rennu á bandinu.

Í fyrstu var talið að starfsmaðurinn hefði handarbrotnað og var hann fluttur á Heilbrigðisstofnun Suðurnesja. Þar kom í ljós að höndin var óbrotin en mikið marin.