Kjartan Már formaður stjórnar Hljómahallar

Tillaga að fimm manna stjórn Hljómahallarinnar hefur verið samþykkt í bæjarstjórn Reykjanesbæjar. Í nefndinni sitja Kjartan Már Kjartansson, framkvæmdstjóri Securitas á Reykjanesi og fyrrverandi skólastjóri Tónlistarskóla Keflavíkur sem formaður, Kjartan Þ. Eiríksson framkvæmdastjóri Kadeco, Inga Birna Ragnarsdóttir framkvæmdastjóri sölu- og markaðssviðs WOW air, Kamilla Ingibergsdóttir kynningarstjóri Icelandic Airwaves og Valgerður Guðmundsdóttir, framkvæmdastjóri menningarsviðs Reykjanesbæjar. Seturétt á fundum hefur Haraldur Á. Haraldsson, skólastjóri Tónlistarskóla Reykjanesbæjar.

Framkvæmdir hafa verið fullum gangi undanfarið ár í Hljómahöllinni vegna flutnings tónlistarskólans í húsið. Stefnt er að því að það gangi í gegn um áramótin. Eins og sjá má í auglýsingu á vf.is verður ráðinn framkvæmdastjóri hússins en auk þess verður ráðið í fleiri störf. Nýja Hljómahöllinn verður ný menningarmiðstöð Reykjanesbæjar.

Kjartan Þ. Eiríksson er í stjórn sem og Inga Birna Ragnarsdóttir.