Kennarasamningur kostar 70 milljóna króna aukaútgjöld fyrir Suðurnesjabæ

Bæjarráð Suðurnesjabæjar hefur samþykkt samhljóða að fela stjórnsýslu- og fjármálasviði bæjarins að vinna tillögur til bæjarráðs um aðgerðir til að mæta útgjaldaauka umfram fjárhagsáætlun að fjárhæð um 70 mkr., sem eru áhrif af kjarasamningunum sem gerður var við kennara á dögunum. Minnisblað frá bæjarstjóra og mannauðsstjóra um fjárhagsleg áhrif af kjarasamningum sveitarfélaga við KÍ var tekið fyrir á fundinum.

Því er beint til stjórnsýslu- og fjármálasviðs að eiga um það verkefni náið samstarf við önnur svið, mannauðsstjóra og bæjarstjóra. Mikilvægt er að tillögur berist til bæjarráðs hið allra fyrsta.