Kaupa bauju fyrir fimm milljónir króna
Bæjarstjórn Grindavíkur hefur samþykkt tillögu bæjarráðs um viðauka við fjárfestingaáætlun Grindavíkurhafnar fyrir árið 2020 að fjárhæð 5.000.000 kr. vegna kaupa á innsiglingabauju fyrir Grindavíkurhöfn.
Innsiglingabaujan verður staðsett í ytri rennu. Bæjarráð lagði til við bæjarstjórn að samþykkja viðaukann og að hann verði fjármagnaður með lækkun á handbæru fé.
