Juliette Lewis slakaði á í Bláa Lóninu

Bandaríska leikkonan Juliette Lewis ásamt hljómsveit sinni Juliette & The Licks heimsótti Bláa Lónið – heilsulind sl. laugardag.

Hljómsveitin var ein af aðalhljómsveitunum sem fram komu á Iceland Airwaves tónlistarhátíðinni sem fór fram hér á landi dagana 19. – 23. október.

Lewis og hljómsveitin eyddu góðum tíma í heilsulindinni og hlustuðu m.a. á tónlistarmanninn Hermigervil sem spilaði í heilsulindinni þennan dag í tengslum við tónlistarhátíðina.

Þau enduðu síðan heimsóknina á að snæða hádegisverð á veitingastaðnum í heilsulind.