Jörð skelfur við Reykjaneshrygg
Jarðskjálftahrina hófst uppúr miðnætti á Reykjaneshrygg um 25-30 km frá landi við Geirfugladranga.
Jarðskjálftafræðingur Veðurstofunnar sagði í samtali við mbl.is að að erfiðara sé að staðsetja jarðskjálfta utan við mælanetið og því virðast skjálftarnir á vefkortunum dreifa sér um stærra svæði.
Stærsti skjálftinn mældist um 3,5 stig, en nokkrir skjálftar að stærð um 3 stig hafa mælst. Engar tilkynningar hafa borist um að skjálftinn hafi fundist, samkvæmt upplýsingum frá jarðskjálftafræðingi Veðurstofu Íslands.
