Jóhannes Kristbjörnsson í 2. sæti Viðreisnar
Jóhannes Albert Kristbjörnsson, lögfræðingur úr Reykjanesbæ, mun skipa annað sæti á framboðslista Viðreisnar í Suðurkjördæmi. Þetta hafa Víkurfréttir eftir áreiðanlegum heimildum. Framboðslisti Viðreisnar í kjördæminu liggur fyrir en verður ekki kynntur fyrr en síðar í vikunni.
Samkvæmt sömu heimildum þá skipar Jóna Sólveig Elínardóttir fyrsta sæti lista Viðreisnar. Hún er frá Vík í Mýrdal. Þriðja sætið skipar svo Ingunn Guðmundsdóttir frá Selfossi.
