Jarðvangur á Reykjanesi fær auðkennismerki

Tekið hefur verið í notkun auðkennismerki fyrir jarðvang á Reykjanesi og sækir það innblástur sinn í náttúru Reykjanesskagans. Merkið sýnir Keili úr Sogunum og er notast við liti sem eru áberandi á svæðinu, grænan lit mosans og grábrúnan lit hraunsins.

Hönnuður merkisins er Guðmundur Bernharð Flosason úr Reykjanesbæ en hann rekur hönnunarstofu í frumkvöðlasetrinu Eldey á Ásbrú.