Innbrot og íkveikja

Brotist var inn í íbúðarhús í Grindavík í gærdag og rótað þar til.  Einnig var farið inn í iðnaðarhúsnæði í Keflavík en að sögn lögreglu var ekki sjáanlegt að neitt hafi verið tekið.

Um kvöldmatarleytið var tilkynnt um lausan eld í ruslagámi utan við Grunnskóla Grindavíkur. Var slökkvilið Grindavíkur kallað á vettvang og slökkti eldinn  Gámurinn var talsvert skemmdur að sögn lögreglu en ekki er vitað hver kveikti í honum.