Indverskur ráðherra í Bláa lóninu
Mani Shankar Aiyer, olíuráðherra Indlands, heimsótti Bláa lónið - heilsulind ásamt Ólafi Ragnari Grímssyni, forseta Íslands, og öðru fylgdarliði þann 3. september sl.Heimsóknin hófst í Eldborg þar sem Albert Albertsson, aðstoðarforstjóri Hitaveitu Suðurnesja, kynnti starfsemi fyrirtækisins en ástæðan fyrir heimsókn ráðherrans var einmitt að kynna sér orkuiðnað Íslands, m.a. vetnisverkefnið og nýtingu jarðvarma. Í Bláa Lóninu - heilsulind tók Magnea Guðmundsdóttir, kynningarstjóri Bláa Lónsins, á móti gestunum og kynnti starfsemi fyrirtækisins. Heimsóknin endaði síðan með hádegisverði á veitingastaðnum í Bláa Lóninu - heilsulind.
