Íbúðalánasjóður og Sandgerðisbær skipa starfshóp

Sandgerðisbæ hefur verið falið að skipa tvo fulltrúa í starfshóp með Íbúðalánasjóði, samkvæmt minnisblaði framkvæmdastjóra eignasviðs Íbúðalánasjóðs þar sem gerð er tillaga að skipan og starfssviði samráðshóps Íbúðalánasjóðs og Sandgerðisbæjar.

Bæjarráð fagnar skipan starfshóps um þetta brýna málefni og leggur til við bæjarstjórn að Ólafur Þór Ólafsson og Daði Bergþórsson verði skipaðir fulltrúar Sandgerðisbæjar í starfshópinn. Bæjarráð leggur jafnframt til að starfstími nefndarinnar verði rýmkaður fram í janúar 2015.