Í lífshættu eftir umferðarslys

Þrítug kona er í lífshættu eftir alvarlegt umferðarslys á Reykjanesbraut við Stekk á Fitjum í gærkvöldi.

Að sögn vakthafandi læknis á gjörgæsludeild Landspítalans er konunni haldið sofandi í öndunarvél. Áverkar hennar eru lífshættulegir.

Ekið var á konuna skammt frá Stekk, í Reykjanesbæ um kvöldmatarleytið í gær. Rannsóknardeild lögreglunnar á Suðurnesjum annast rannsókn slyssins.