Hviður upp á 28 m/s á Keflavíkurflugvelli
– Foktjón í Vogum á Vatnsleysuströnd
Núna kl. 16:00 voru 19 m/s af suðaustri á Keflavíkurflugvelli og voru hviður upp á 28 m/s. Ekkert flug er um Keflavíkurflugvöll og vélar ekki væntanlegar fyrr en undir kvöld.
Björgunarsveitir hafa verið að sinna útköllum vegna veðurs í dag. Meðal annars hefur Björgunarsveitin Skyggnir í Vogum verið í útkalli vegna foktjóns í bænum.
Ekki hafa borist fréttir af tjóni annars staðar á Suðurnesjum. Nú er bálhvasst á Suðurnesjum.
