Hver er maður ársins 2011 á Suðurnesjum?

Dómnefnd mun koma saman í þessari viku til að velja mann ársins 2011 á Suðurnesjum. Valið verður svo kynnt í Víkurfréttum þann 19. janúar nk.

Fjölmargar áhugaverðar ábendingar hafa borist til ritstjórnar en ákveðið hefur verið að gefa frest fram á fimmtudaginn 12. janúar til að koma ábendingum um verðuga einstaklinga til að hljóta nafnbótina „Suðurnesjamaður ársins 2011“.

Ábendingar má senda á póstfangið [email protected].