Hvassviðri og rigning á sunnanverðu landinu

Veðurstofa Íslands hefur gefið út viðvörun vegna hvassviðris á sunnanverðu landinu í dag, allt að 25 metrum á sekúndu til fjalla með slagveðursrigningu. Annars hljóðar spáin upp á austan 10-18 m/s og rigning sunnantil, en heldur hægari og úrkomulítið norðan- og austanlands. Dregur úr vætu sunnan- og vestantil síðdegis. Lægir smám saman á landinu á morgun, suðaustan 5-10 síðdegis og léttir heldur til norðvestanlands, annars rigning með köflum. Hiti 10 til 18 stig.