Hvar er sumarið?

Þessi spurning brennur eflaust á vörum margra á þessum grámyglulega mánudagsmorgni. Veðurstofan gerir ráð fyrir sunnanátt og 10-18 m/s í dag með rigningu. Á morgun snýst hann hins vegar til suðaustlægari áttar. Þá má búast við rigningu með köflum og hita 5 til 10 stig. Um miðja vikuna fer svo að létta örlítið til.

Veðurhorfur á höfuðborgarsvæðinu:

Sunnan 10-18 m/s og rigning, en hægari með kvöldinu. Suðaustan 10-18 og úrkomuminna á morgun. Hiti 5 til 10 stig.

Veðurhorfur á landinu næstu daga:

Á þriðjudag:
Sunnan 8-18 m/s, hvassast vestast. Dálítil væta sunnan- og vestanlands, en bjartviðri norðanlands. Hiti 8 til 18 stig, hlýjast NA-lands.

Á miðvikudag:
Suðaustan strekkingur og dálítil súld með köflum, en hægari og bjart með köflum norðan- og vestanlands. Hiti breytist lítið.

Á fimmtudag, föstudag, laugardag og sunnudag:
Austlægar áttir og dálítil súld eða þokuloft sunnan- og austanlands, en bjart með köflum norðan- og vestanlands. Hlýtt í veðri.
---