Húsanes stærst á íbúðamarkaði

Húsanes er stærst á íbúamarkaði í Reykjanesbæ en fyrirtækið gerir ráð fyrir framkvæmdum upp á 1,6 milljarða króna árið 2006. Þetta kemur fram á heimasíðu Reykjanesbæjar.

Dótturfyrirtæki Húsaness er fasteignafélagið Þrek ehf. sem hefur byggt nemendaíbúðir við Krossmóa fyrir nemendur Íþróttaakademíu og afreksbrautar við Fjölbrautaskóla Suðurnesja. Heildarframleiðsluvirði þess er áætlað kr. 300.000.000 á árinu.

Þetta kom fram í máli Halldórs Ragnarssonar stjórnarformanns fasteignafélagsins Þreks á nýliðnu framkvæmdaþingi Reykjanesbæjar þann 9. mars sl. Í haust hefjast svo framkvæmdir við næstu nemendagarða sem áætlaðir eru til afhendingar árið 2007.

Þannig er að myndast á vegum einkaaðila vísir að nemendagörðum í Reykjanesbæ sem eru ávöxtur uppbyggingar íþróttaakademíunnar og stækkunar Fjölbrautaskóla Suðurnesja.

Aðrar framkvæmdir Húsaness sem fyrirhugaðar eru á árinu eru 8 lúxusíbúðir að Hafnargötu 23 og Hafnargata 23 og 400m2 atvinnuhúsnæði sem verður leigt út. Áætluð verklok þessara framkvæmda eru áætluð 1.september nk.

Af vef Reykjanesbæjar