Hundruð þúsunda króna tjón á bíl

Tjón sem metið er á hundruð þúsunda króna var unnið á bifreið á bílastæði aftan við verslunina Bústoð í Keflavík aðfararnótt sunnudags. Þar var Nissan Primera bifreið, steingrá að lit, rispuð mikið á öllum hliðum með lykli eða egghvössu járni. Þeir sem hafa upplýsingar um málið eru beðnir um að snúa sér til lögreglunnar á Suðurnesjum.