Huginn Heiðar kominn heim

Huginn Heiðar Guðmundsson, ungi drengurinn sem gekkst undir lifrarígræðslu í Bandaríkjunum fyrr á þessu ári, sneri aftur heim til Íslands ásamt foreldrum sínum í morgun.

Hann mun halda áfram meðferð á Barnaspítala Hringsins í Reykjavík, en undanfarið hefur hann átt við vandamál að stríða í lungum sem tafði heimför þeirra.

Fjóla Ævarsdóttir, móðir Hugins, sagði í samtali við Víkurfréttir í dag að drengurinn hefði það fínt eftir ferðalagið og nú mun áherslan verða á að hann nái styrk í rólegheitunum.

Þess má geta að stuðningsmenn hafa stofnað styrktarreikning í nafni Hugins þar sem þeir sem vilja styrkja þau í baráttunni geta lagt sitt af mörkum.

Númer reikningsins er: 1109-05-449090, kt: 181104-3090.