HS Orka styrkir vetrarmótaröð
- Hestamannafélagsins Mána
HS Orka og Hestamannafélagið Máni hafa undirritað samning þess efnis að vetrarmótaröð Mána 2016 muni bera nafn HS Orku. Fyrsta mótið í vetrarmótaröð HS Orku og Mána fer fram laugardaginn 6. Febrúar en þá verður keppt í tölti auk þess sem keppt verður í polla-, barna- og unglingaflokkum.
Alls verða þrjú mót í mótaröðinni og safna keppendur stigum í hverri keppni. Föstudaginn 19. Febrúar verður keppt í smala og 5. Mars verður þrígangur.
Ásgeir Margeirsson forstjóri HS Orku og Helga Hildur Snorradóttir formaður mótanefndar Hestamannafélagsins Mána undirrituðu samstarfssamninginn í glæsilegri reiðhöll hestamannafélagsins. Á myndinni eru auk Ásgeirs og Hildar þær Ólöf Rún Guðmundsdóttir og 17 vetra merin Sónata sem sá til þess að allt færi vel fram.
