Hraðaksturinn kostaði 210 þúsund

Lögreglan á Suðurnesjum hefur kært allmarga ökumenn fyrir of hraðan akstur á síðastliðnum dögum. Sá sem hraðast ók mældist á 145 km hraða á Reykjanesbraut þar sem hámarkshraði er 90 km á klukkustund. Þar var á ferðinni erlendur ferðamaður og nemur hraðasektin 210 þúsund krónum.

 

Þá voru höfð afskipti af ökumanni sem var með ungan son sinn í framsæti bifreiðarinnar án þess að hann væri í sérstökum öryggisbúnaði fyrir börn.