Hjólabrettaaðstaðan opin til 1. desember

Hjólabrettaaðstaða í gömlu fiskiðjunni verður opin áfram fram til 1. desember, að sögn Stefáns Bjarkasonar forstöðumanns menningar-, íþrótta- og tómstundasviðs Reykjanesbæjar.
Opið verður mánudaga, miðvikudaga og föstudaga frá kl. 14:00 til 18:00. Ráðinn hefur verið starfsmaður í hlutastarf til að hafa eftirlit með aðstöðunni. Eigendur hússins lána það án endurgjalds en óvíst er um framhald þar sem stefnt er að því að rífa húsið.