Hilmar nálgast leiðarenda
Hilmar Bragi Bárðarson fréttastjóri Víkurfrétta hélt í morgun í mikla göngu. Lagði Hilmar af stað frá HSS í Reykjanesbæ en förinni er heitið á Landsspítalann í Fossvogi. Gangan er farin á þessum tímamótum því í dag eru þrír mánuðir frá því Hilmar Bragi gekkst undir aðgerð á Landsspítalanum. Aðgerð sem bjargaði lífi hans og varð til viðhorfsbreytingar til eigin heilsu.
Nú er Hilmar staddur við Straumsvík og er kappinn ennþá nokkuð brattur. Þrátt fyrir allar tegundir af veðri þá heldur hann áfram ótrauður en á leiðinni hefur bæði ringt og haglél dunið á göngugörpunum.
