Hetjunum fagnað í Holtaskóla

Fjölmargir nemendur voru mættir á sal Holtaskóla í morgun til þess að fagna hetjunum sínum sem sigruðu Skólahreysti með glæsibrag í gærkvöldi. Sigurvegararnir voru heiðraðir með blómum og nemendur sungu og fögnuðu ærlega. Víkurfréttir tóku viðtöl við íþróttafólkið og verða þau komin á vefsjónvarp okkar í dag. Einnig munum við setja inn ljósmyndasafn.

Lið Holtaskóla sigraði keppni grunnskólanna í Skólahreysti annað árið í röð en það hefur ekki gerst áður í sögu keppninnar.